Башар Асадга Москвада кол салуу аракети болгондугу айтылууда

Сириянын мурунку президенти Башар Асадды Орусиянын борбору Москва шаарында ууландыруу аракети болгонун чет элдик ЖМК жазып чыкты.

Сириядагы Адам укуктарын көзөмөлдөө борборунун (SOHR) маалыматына ылайык, Сириянын мурдагы президенти Башар Асад ууланган. Учурда анын абалы туруктуу. Асад 29-сентябрда Москва четиндеги ооруканада дарыланып чыкты.

Маалым болгондой, Асад ооруканада жатканда аны көрүүгө болгону анын агасы Махир Асадга жана мурдагы президенттик кеңсенин башчысы Мансур Аззамга гана уруксат берилген.

Белгилей кетсек, сириялык оппозиция 2024-жылдын 8-декабрында Дамаскты көзөмөлгө алып, мамлекеттик телеканалдын башкы кеңсесин басып алган. Андан соң Башар Асаддын 24 жылдык авторитардык башкаруусу аяктаганы кабарланган. Бул арада өлкөдөн чыгып кеткен мамлекет башчысы Орусиядан башпаанек алгандыгы айтылган.