Путин: "Учурда өзүн коопсуз сезген бир дагы адам жок"

Бүгүнкү күндө дүйнөдө эч ким өзүн коопсуз сезбейт. Бул тууралуу Орусиянын президенти Владимир Путин "Валдай" эл аралык талкуу клубунун жыйынында билдирди.

"Муздак согуштан кийин өздөрүн жеңүүчү деп эсептегендердин бийликке болгон чектөөсүз умтулуусу жана эйфориясы бардык тарапка бир жактуу, субъективдүү түшүнүктөрдү таңуулоого алып келди. Натыйжада бүгүн эч ким өзүн коопсуз сезбей жатат", — деди Путин.

Анын айтымында, бул тууралуу Орусия буга чейин эскерткен.

Путин коопсуздук жалпы маселе экенин түшүнүү зарылдыгын белгиледи.

"Ар бир маданият жана цивилизация өз салымын кошушу керек, анткени өзүнчө эч ким туура жоопту билбейт", — деп белгиледи Путин.

Ошондой эле ал коопсуздук адамзаттын чакырыктарга жооп кайтаруу жөндөмүнө жараша болорун кошумчалады.