Бельгия Израилдин элчисин министрликке чакырды

Бельгиянын Тышкы иштер министри Максим Прево Израилдин Күжүрмөн Сумуд флотуна эл аралык сууларда кийлигишүүсү олуттуу тынчсыздануу жаратканын билдирип, Израилдин Брюсселдеги элчисин министрликке чакырды. Бул тууралуу чет өлкөлүк басылмалар жазышты.

Превонун айтымында, камакка алынгандардын арасында 7 бельгиялык бар. Алар Ашдод портуна жеткирилген соң камак жайына которулары жана консулдук колдоо көрсөтүлөрү белгиленди. Министр алардын тез арада мекенине кайтарылышы негизги милдет экенин айтты.

Ал Израилдин аракеттерин кескин сындап, Газага гуманитардык жардам жеткирүүнү дипломатиялык жолдор жана санкциялар аркылуу улантууну сунуштады.

Маалымат үчүн: Күжүрмөн Сумуд флоту – Газага жардам жеткирүү үчүн чыккан эң ири флот болуп эсептелет. 1-октябрда Израил армиясы ондогон кеме менен кайыктарды мыйзамсыз тартып алып, жүздөгөн жүргүнчүнү камакка алган.