Путин: "Газадагы абал адамзат тарыхындагы эң коркунучтуу окуя"

Орусиянын президенти Владимир Путин Газадагы кырдаалды "заманбап адамзат тарыхындагы эң коркунучтуу окуя" деп мүнөздөп, Палестина мамлекетин түзүүнү Израил–Палестина жаңжалын чечүүнүн негизги элементи катары атады. Бул туурлауу чет өлкөлүк басылмалар жазышты.

Маалым болгондой, ал Сочиде өткөн "Валдай" эл аралык талкуу клубунда сүйлөп, БУУнун баш катчысы Антониу Гутерриштин "Газа балдар үчүн көрүстөнгө айланды" деген сөзүн эске салды.

Путин АКШ президенти Дональд Трамптын Газа боюнча планын карап чыгып, эгер бул эки өзүнчө мамлекет түзүүгө жардам берсе, Орусия аны колдоого даяр экенин билдирди. Ал Трамптын сунушунда эл аралык башкаруунун узак мөөнөткө түзүлүшү жана жергиликтүү полициянын тартылышы жаңжалдын чечилишине көмөкчү боло турганын кошумчалады.

Орусия лидери Хамас жана башка ислам өлкөлөрү пландын ишке ашышын колдосо, жаңжал чечүүдө чоң кадам болорун белгиледи. Ал Палестина маселеси тамырынан өз алдынча Палестина мамлекети түзүлүшү менен гана чечилиши керек экенин белгилеп, туткундар жана Израилдин түрмөлөрүндөгү палестиналыктарды бошотуу маанилүү экенин кошумчалады.