Бишкекте Мерседес-Бенцтин айдоочусу жүргүнчүнү сүзүп кетти

Бүгүн, 3-октябрда Бишкектин Айтматов проспектисинде Мерседес-Бенц үлгүсүндөгү унаанын айдоочусу жолдо өтүп бара жаткан жүргүнчүнү сүзүп кетти. Бул тууралуу Кайгуул кызматы билдирди.

Ага ылайык, кырсык бүгүн саат 09:00 чамасында болгон. Анда 26 жаштагы Мерседес-Бенцтин айдоочусу түндүк багытка бара жатып, жолдон өтүп бара жаткан 18 жаштагы жүргүнчүнү сүзүп кетти. Кырсыктын кесепетинен жүргүнчү жаракат алып, Тез жардам ооруканасына жеткирилген.

Аталган факт Бишкек милициясында каттоого алынып, териштирүү иштери башталды. Унаа айып короосуна коюлуп, тиешелүү экспертизалар дайындалды.

Териштирүү иштери уланууда.

Буга чейин социалдык тармактарда кырсыктын видеосу тараган. Анда көрүнгөндөй катуу ылдамдыкта келе жаткан унаа жолдо уруксат белгиси жок жерден өтүп бара жаткан жүргүнчүнү сүзүп, андан ары кетип калганын көрүүгө болот.

Эскертүү: Видео сезимтаал адамдарга сунушталбайт.