Люксембургдун герцогу бийлигин уулуна өткөрүп берди

Бүгүн, 3-октябрда Люксембургда герцог Анри бийлигин уулу Гийомго өткөрүү аземи өттү. Иш-чарага Европанын падышалык үй-бүлөлөрүнүн мүчөлөрү жана мамлекет башчыларынын жүздөгөн коноктору катышты.

Анри 25 жыл өлкөнү жетектеп келген, бирок өткөн жылдын 24-декабрында кызматтан кетүүнү пландап жатканын жарыялаган.

Бүгүн ал расмий түрдө бийликтен баш тартуу декларациясына улуу герцогдук сарайда кол койду. Аземге Люксембургдун мамлекет башчылары, Нидерланд жана Бельгия падышалык үй-бүлөлөрүнүн өкүлдөрү жана башка чакырылган меймандар катышты.

Премьер-министр Люк Фриден Анриге ыраазычылыгын билдирип, эл Люксембургда мындан жакшы башкаруучуну элестете алмак эмес экенин айтты. Андан соң жаңы герцог Гийом парламентте ант берди.

Бул дем алыш күндөрү Гийом жана анын аялы улуу герцогиня Стефания өлкө боюнча салттуу сапарга чыгышат. Жубайлардын беш жаштагы Шарль жана эки жаштагы Франсуа аттуу эки уулу бар.

Европанын башка монархияларынан айырмаланып, Люксембургдун герцогу мамлекеттик башчы катары да кызмат кылат.