Москва көчөсүндөгү тротуарларды жаңылоо иштери жүрүүдө (фото)

Борбор калаада тротуарларды капиталдык оңдоо иштери уланууда. Бул тууралуу бүгүн, 3-октябрда Бишкек мэриясынан билдиришти.

Маалым болгондой, Москва көчөсүнүн Бейшеналиева көчөсүнөн Жаш Гвардия бульварына чейин "Бишкекасфальтсервис" муниципалдык ишканасынын кызматкерлери жолдун эки тарабына жаңы асфальт төшөө иштерин баштады.

Мэриядан билдиришкендей, асфальт салууга чейин эски асфальтты алуу, бордюрларды жана ирригациялык системаны орнотуу жана тротуардын негизин даярдоо иштери аткарылды. Буга чейин түндүк тарабына асфальт төшөлүп бүтсө, түштүк тарабындагы иштер бүгүн кечке чейин жыйынтыкталат.

Мекеме бул тилкеде тротуарларды жаңылоо жөө жүргүнчүлөрдүн ыңгайлуулугун жана коопсуздугун бир топ жакшырта турганын айтты.

Эске салсак, Абдрахманов көчөсүнөн Эркиндик бульварына чейинки түштүк бөлүгү мурда асфальтталган.