"Барселонанын" легендасы карьерасын аяктаганын жарыялады

Америкалык "Интер Майами" клубунун белгилүү испаниялык коргоочусу Жорди Альба өз карьерасын жыйынтыктоону чечти. Бул тууралуу ал социалдык тармактагы баракчаларында билдирди.

Анын айтымында, ал 2026-жылдын 1-январында, АКШдагы сезон аяктаган соң футбол менен кош айтышат.

"Рахмат, футбол! Баары үчүн чоң ырахмат!",- деп жазды Альба.

Билдирүүнүн астында Лионель Месси жана Неймар жылуу пикир калтырышты.

Жорди Альба - эң ылдам жана туруктуу коргоочулардын бири. Ал "Барселона" академиясынын тарбиялануучусу, команда менен 459 оюн өткөрүп, 6 жолу Испания чемпиону болгон. 2023-жылы ал "Интер Майамиге" өтүп, Месси жана Бускетс менен чогуу ойной баштаган. Ал бул аралыкта 100гө жакын оюн өткөрүп, эки ири титул уткан - MLS'тин негизги чемпиондугун жана Лигалар Кубогун.