19-январда футбол боюнча Кыргызстан өспүрүмдөр курама командасынын катышуусундагы “Өнүктүрүү кубогу” старт алат

19-январда 17 жашка чейинки футболчулардан түзүлгөн Кыргызстан курама командасы “Өнүктүрүү кубогу” Эл аралык мелдешинде алгачкы оюнун өткөрөт. Бул тууралуу мелдештин уюштуруучулары кабарлашты.

Маалыматка ылайык, 5-ирет уюшулуп жаткан мелдеш Минск шаарында (Беларусь) 19-26-январь аралыгында өтөт. Анда 12 команда 4 тайпага бөлүнүп, өз ара тайпадан чыгуу үчүн оюн өткөрүшөт. Кыргызстандык футболчулар “А” тайпасында Украина жана Литва менен кез келет. Алгачкы оюн Литвага каршы өтөт.