Милиция кызматкерлерин сөгүп, мас абалында белгиленбеген жерде тамеки чеккен жаран кармалды

Бишкекте мас абалында милиция кызматкерлерине баш ийбей, аларды оозго алгыс сөздөр менен сөккөн жаран кармалды. Окуя 15-ноябрда түнкү саат 2:00 чамасында болгонун милициянын маалымат кызматы билдирди.

Милиция кызматкерлери тарабынан 1993-жылы туулган А.И. аттуу жаран Укук бузуулар жөнүндө кодексинин 126-беренесине(Майда бейбаштык) ылайык протокол түзүлүп, соттун чечими чыкканга чейин убактылуу кармоочу жайга киргизилди.

Ошондой эле Кылмыш-жаза кодексинин 83-беренесине (Белгиленбеген жерлерде тамеки заттарын тартуу) ылайык 3 миң сом айып салынды.