Алексей Оверчук: "Москва Кыргызстандын көп векторлуу тышкы саясатын урматтайт" (видео)

Орусиянын өкмөт төрагасынын орун басары Алексей Оверчук өнөктөштөрдүн саясатына урмат менен мамиле жасала турганын билдирди. Бул тууралуу ал 26-ноябрда Кыргызстан президенти Садыр Жапаров менен Орусиянын президенти Владимир Путиндин Ынтымак Ордо резиденциясында болгон жолугушуусунун алкагында журналисттерге маек берип жатып айтты.

"Биз ар дайым өнөктөштөрүбүздүн саясатына урмат менен мамиле кылабыз. Өлкө инвестиция тартууга, иш орундарын түзүүгө, жашоо деңгээлин жогорулатууга кызыкдар экенин түшүнөбүз. Биз ар дайым мындай аракеттерди колдоп келебиз",- деген ал.

Белгилей кетсек, Путин 25-27-ноябрь күндөрү мамлекеттик сапар менен жана ЖККУнун коопсуздук кеңешинин жыйынына катышуу үчүн Бишкекке келген. Анын делегациясынын курамында вице-премьер-министр Алексей Оверчук да бар.