Кыргызстан ECOнун 5-жыйынында Сооданы жеңилдетүү стратегиясына кошулду

24–26-ноябрда Түркиянын Стамбул шаарында экономикалык кызматташтык уюмунун 5-жыйыны өттү. Бул тууралуу Экономика министринин басма сөз кызматы билдирди.

Маалымдалгандай, иш-чара аймактык соода-экономикалык интеграцияны чыңдоого багытталды. Кыргызстандын атынан Түркиядагы соода өкүлү Чыңгыз Эсенгул уулу катышып, өлкөнүн приоритеттерин сунуштады:

— соода тармагынын санариптештирилиши;

— электрондук маалымат алмашууну кеңейтүү;

— бирдиктүү бажы стандарттарын өнүктүрүү;

— ECOTA келишимин жаңылоо.

Жыйындын алкагында министрлердин жолугушуулары жана адистер тобунун жыйыны өтүп, ECO аймагындагы интеграцияны тереңдетүү жана ички сооданы көбөйтүү маселелери талкууланды. Маанилүү жетишкендик: Кыргызстан, Түркия, Иран жана Пакистан тарабынан ECO Сооданы жеңилдетүү стратегиясы боюнча меморандумга кол коюлду.