Бокс боюнча өспүрүмдөр арасындагы Азия чемпиондугуна Кыргызстандан 8 мушкер барат

25-31-январь аралыгында Таиланддын Бангкок шаарында өтө турган бокс боюнча өспүрүмдөр арасындагы Азия чемпиондугуна аттанчу Кыргызстан курама командасынын курамына 8 мушкер кирди. Бул тууралуу аталган спорт түрү боюнча федерациядан билдиришти.

Маалыматка ылайык, 1996-1997-жылдары төрөлгөндүктөрү тастыкталган мушкерлер катышуучу мелдеште 10 салмак категориясы боюнча жеңүүчүлөр аныкталат. Курамга 8 мушкер кирди:

49 килограмм салмакта - Тилек Босумбаев

52 кг - Абдурахман Абдурахманов

56 кг - Мунарбек Сейитбек уулу

60 кг - Нурсултан Муратов

64 кг - Ыктияр Шабданбаев

75 кг - Темирлан Чоюнбек уулу

81 кг - Канат Матеков

91 кг - Мурат Амиражанов