Улуу Британияда mpox вирусунун жаңы түрү табылды

Улуу Британиянын Саламаттык сактоо коопсуздугу боюнча агенттиги (UKHSA) Англияда mpox (мурунку аталышы - monkeypox) вирусунун жаңы штаммы аныкталганын билдирди. Бул тууралуу Kazinform агенттиги Sky Newsка таянып жазды.

Маалыматка ылайык, вирус жакында Азиядан кайтып келген адамдан табылган. UKHSA жүргүзгөн геномдук изилдөөдөн кийин жаңы штамм mpox вирусунун эки ар башка подтипинин элементтерин камтыган рекомбинанттык форма экени аныкталды.

UKHSA өкүлү доктор Кэти Синка виру эволюциянын табигый көрүнүшү экенин белгилеп, кошумча изилдөөлөр анын кантип өзгөрөрүн аныктоого жардам берерин айтты.

Адистердин айтымында, mpox көп учурда жеңил формада өтөт, бирок айрым учурда оору күчөп кетиши мүмкүн. Вакцинация оорунун күчөп кетишинен коргоонун эң натыйжалуу жолу.

Оорунун белгилерине териде бүдүрлөр же жаралар, дене табынын көтөрүлушү, баш жана булчуң оорулары кирет.

Адистер mpox вирусунан коргонуу үчүн вакцина алуу жана жеке гигиенаны сактоо керектигин эскертишет.