Ырчы Айбек Бакытбеков орусиялык ырчы Сергей Лазаревге калпак менен чапан белек кылды (видео)

Орусиядагы "Ну-ка, все вместе!" шоусунун катышуучусу, кыргыз ырчысы Айбек Бакытбеков орусиялык белгилүү ырчы Сергей Лазаревге ак калпак менен чапан белек кылды. Ошону менен катар Лазаревге өзүнүн ыраазычылыгын билдирди.

"Чексиз ыраазычылыкка татыктуу адам. Бул шоунун жүрүшүндө сиздин жылуу колдооңузду жана эң жогорку кесипкөйлүгүңүздү сездим. Сизди урматтап, жерибизде жылуу тосуп алууга дайым даярбыз. Бизде ак калпак менен чапанды эң сыйлуу гана адамдарга кийгизишет. Бул белектер кыргыз элинин атынан жагымдуу эстелик болуп калсын",- деген Айбек Бакытбеков.

Белгилей кетсек, Айбек Бакытбеков Орусиядагы "Ну-ка, все вместе!" шоусуна катышып, жарым финалына чейин жеткен.