Жаратылыш министрлиги элди салют аттыруудан баш тартууга чакырды 

Жаратылыш ресурстары, экология жана техникалык көзөмөл министрлиги элди жаңы жылдык салюттардан баш тартууга чакырды.

Министрлик билдиргендей, мындай чечим пиротехниканын абага тийгизген терс таасири менен шартталган, айрыкча кыш мезгилинде температуранын инверсиясынан улам булгоочу заттардын концентрациясы кескин жогорулайт.

"Пиротехникалык буюмдар олуттуу көлөмдөгү тиричилик таштандыларын жаратат жана өрттүн чыгуу коркунучун жогорулатат",- деп билдирди министрлик.

Ошондой эле министрлик жарык инсталляциялары, дрондук шоулар айлана-чөйрөгө зыян келтирбестен майрамдык атмосфераны түзүүгө мүмкүнчүлүк түзөрүн кошумчалады.