Бишкекте дем алыш күндөрү азык-түлүк жарманкелери өтөт 

Бишкек шаарында 20-21-декабрь күндөрү азык-түлүк жарманкеси өткөрүлөт. Бул тууралуу Суу ресурстары, айыл чарба жана кайра иштетүү өнөр жайы министрлиги кабарлады.

Министрликтин маалыматында, иш-чарада азык-түлүк товарлары шаар тургундарына базар баасынан төмөн баада сунушталууда. Жарманке ар ишемби жана жекшемби күндөрү Бишкек шаарында уюштурулууда.

"Жарманкенин негизги максаты - баалардын өсүш ыргагын басаңдатуу, социалдык аярлуу катмарды жеткиликтүү азык-түлүк менен камсыздоо, ата мекендик өндүрүүчүлөрдү колдоо жана ички рыноктун туруктуулугун камсыз кылуу",- деп билдирди министрлик.

Жарманке өтүүчү жерлер:

Турдакун Усубалиев атындагы аянт;
Раззаков жана Абдымомунов көчөлөрүнүн кесилиши;
Эркиндик бульвары.