Супер-Инфо
super.kg видео
Сузак районунда кутурма оорусуна чалдыккан уй табылды
Жалал-Абад облусунун Сузак районунда кутурма оорусу менен ооруган уй табылды. Бул тууралуу ӨКМнын басма сөз кызматы билдирди.
Автор: Дамира Арстанова
Маалыматка ылайык, 20-январда Арал участкасынын тургуну М.Кошматовдун ооруп калган уюн айылдык мал доктур О.Абжалилов алдын ала кутурма оорусуна күмөндөп диагноз койгон. Уй ветеринардык адистин көзөмөлүндө союлуп, башы Ноокен райондор аралык диагностикалык борборго текшерүүгө жөнөтүлгөн.
Текшерүүнүн жыйынтыгында уйдун кутурма оорусу менен ооругандыгы аныкталган.
Анын эти өрттөлүп, ветеринариялык эрежелерди сактоо менен көмүлүп, уй кармалган сарай тазаланган.
Ал эми уй менен байланышта болгон 2 адам айылдык ФАПтын дарыгерлеринин көзөмөлүндө.
Бүгүн, 21-январда кутурма оорусу катталган аймакта ветеринардык кызмат тарабынан мал жандыктарды кароодон өткөрүү, вакцинациялоо жана тургундар арасында түшүндүрүү иштери жүргүзүлүүдө.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
20:13
2025-07-14
Рейтинг: 
0
0
Талкуу жабык.