Профсоюздар Федерациясынын мамлекеттик жер тилкелерди жана эс алуучу жайларды сатып жаткандыгы айтылды

“КРнын профсоюздар Федерациясы жер тилкелерди жана эс алуучу жайларды мыйзамсыз түрдө сатып жатат”,- деп бүгүн, 21-январда маалымат жыйынында эркин профсоюздардын Конфедерациясынын мүчөсү Нурдин Дүйшөнбеков билдирди.

Анын айтымында, аталган федерация өз мүчөлөрүнүн укуктарын коргобой, мамлекеттик жер тилкелерди жана имараттарды сатып жатат. Биз бул маселе боюнча толук маалымат чогултуп, өкүндүрөрлүк жыйынтык алдык. "Ош" пансионаттын 4 гектар, “Көгүлтүр Ысык-Көл” пансионатынын 2,5 гектар жана “Ала-Тоо” эс алуучу жайынын 2,5 гектар жер тилкеси сатылыптыр.