"Экономиканын көтөрүлгөнүн калк сезиши керек". Жанар Акаев жөлөкпул маселесин көтөрдү

Бүгүн, 24-декабрдагы Жогорку Кеңештин жыйынында депутат Жанар Акаев жөлөкпул берүү маселеси боюнча февраль айында парламенттик угуу өткөрүүнү сунуштады.

Ал жөлөкпулду берүү тартиби, анын көлөмү кайра каралып чыгышы керек деген пикирде.

"Азыр бир кап ундун баасы 1600 сом. Балага болсо биз 1200 сом берип жатабыз. Учурда парламент менен аткаруу бийлиги биргеликте иштешип жатабыз. Мунун жолун тапсак болот. Анткени эл документ чогултуудан, текшерүүдөн тажады. Унааң же малың бар экен деп бербей койгон шылтоолордон чарчады...

Экономиканын көтөрүлүп жатканын калк жон териси менен сезиши керек",- деди Акаев.