Jay Sean'дин концертине бекер кирүүгө аракет кылган милиция кызматкерлери иштен алынды

Бишкекте Jay Sean'дин концертине бекер кирүүгө аракет кылган эки милиция кызматкери иштен алынды. Бул тууралуу Ички иштер министрлиги кабарлады.

Маалыматка ылайык, алардын бири милициянын улук лейтенанты, бири милициянын капитаны болгон.

Буга чейин Бишкек шаарында британиялык ырчы Jay Sean'дин концертинде милиция кызматкерлеринин ортосунда чыр чыккан. Жарандык формадагы укук коргоо органдарынын кызматкерлери иш-чарага билетсиз кирүүгө аракет кылышкан.