Жогорку Кеңеш республикалык бюджет жөнүндө мыйзам долбоорлорун үч окууда кабыл алды

Бүгүн, 24-декабрда Жогорку Кеңештин жыйынында республикалык бюджет жөнүндө мыйзам долбоорлору каралып, үч окууда кабыл алынды. Жыйынга Адылбек Касымалиев баштаган министрлер кабинетинин өкүлдөрү катышты.

Жыйында депутаттар өкмөт мүчөлөрүнө ар кыл тармактардагы көйгөйлүү маселелерди, сунуштарды айтып, суроолоруна жооп алышты.

Ошондой эле отурумда өлкөнүн 2024-жылга республикалык бюджетинин аткарылышы жөнүндө отчёту угулду.

Жыйынтыгында "Кыргыз Республикасынын 2025-жылга жана 2026-2027-жылдардын пландык мезгилине республикалык бюджети жөнүндө" мыйзамга өзгөртүүлөрдү киргизүү тууралуу" жана "Кыргыз Республикасынын 2026-жылга жана 2027-2028-жылдардын пландык мезгилине республикалык бюджети жөнүндө" мыйзам долбоорлору үч окууда кабыл алынды.