Өлкөдө унаалардын баасы арзандайбы?

Бүгүн, 24-декабрда Жогорку Кеңештин жыйынына айрым тармактарды салыктан бошотууну көздөгөн мыйзам долбоору биринчи окууда кароого киргизилди.

Депутат Марлен Маматалиев мыйзамда автоунаалар боюнча кандай нормалар каралганына кызыкты. Экономика министри Бакыт Сыдыков мыйзамда 2026-жылга чейин топтолуп калган салыктык карыздарды кечүү, өлкө ичинде сатууда жеке жактарды киреше салыгынан бошотуу нормалары бар экенин айтты.

Маматалиев муну менен унаалардын баасы төмөндөшү мүмкүнбү деген божомолго токтолду. Министр унаалардын наркы түшүшү мүмкүндүгүн четке каккан жок.