Элдик курултайга 690 делегат катышууда 

Бишкекте 25-декабрда өтүп жаткан төртүнчү Элдик курултайдын жыйынына өлкөнүн ар бурчунан келген 690 делегат катышып жатат. Бул тууралуу Элдик курултай катчылыгынын төрагасы Мыктыбек Абдылдаев иш-чарада айтты.

Айтымында, алардын ичинен 146сы аял делегаттар.

Курултайга президент Садыр Жапаров, министрлер кабинетинин мүчөлөрү, Жогорку Кеңештин депутаттары, мамлекеттик органдардын өкүлдөрү катышууда.

Белгилей кетсек, өлкөдө биринчи курултай 2022-жылы 25-ноябрда Бишкекте өткөн. Экинчи курултай 2023-жылдын 15-декабрында өтсө, ал эми үчүнчүсү 2024-жылы 20-декабрда өткөн.