Орусия Екатерина Биволго карата кылмыш ишин козгоду 

Бокс боюнча дүйнө чемпиону Дмитрий Биволдун мурдагы жубайы Екатерина Биволго карата Орусияда кылмыш иши козголду. Бул тууралуу чет элдик басылмалар жазышты.

Маалыматка ылайык, Санкт-Петербург шаарынын Ленин райондук соту Екатерина Биволдун кыргыздар менен казактар тууралуу айткан видеосу үчүн чара көрөт. Ага карата соттук отурум 29-январга белгиленген.

"Биволдун айткандарына талдоо жүргүзүүгө ылайык, анын билдирүүлөрүндө улуту, тили жана теги боюнча терс баа берилген. Баа берүү кемсинтүү жана уят сөздөр менен коштолгон. Ал жарыялаган материалда адамдарды бир топтон экинчисин артык көрүү айтылган",- деп билдирген райондук сот.

Биволго 20 миң рублга чейин айып пул салынышы же ал 15 күнгө камакка алынышы мүмкүн.

Эске салсак, буга чейин интернет тармагында Екатерина Биволдун ар кандай улут өкүлдөрүнө карата кемсинткен сөздөрдү айткан видеосу тараган.