Курманкул Зулушев бакалавриаттын мөөнөтүн кыскартууну сунуштады

Жогорку Кеңештин Конституциялык мыйзамдар, мамлекеттик түзүлүш, жергиликтүү өз алдынча башкаруу жана Жогорку Кеңештин регламенти боюнча комитетинин кезексиз жыйынында Гүлзат Исаматованы илим, жогорку билим берүү жана инновациялар министри кызматына дайындоого макулдук берүү маселеси каралды.

Анда депутат Курманкул Зулушев бакалавриатта окуу мөөнөтүн 4 жылдан 3 жылга чейин кыскартуу маселесин караштырууга чакырды. Ал учурда жогорку окуу жайдын 1-курстагы студенттерине мектептеги сабактар гана өтүлөрүн айтты жана мектептеги билим берүү 12 жылга өтүп жаткандыктан мындай зарылчылык керектигин кошумчалады.

Буга Исаматова учурда 3+2 деген программа бар экенин, бирок анда 3 жылдык бакалавриаттан кийин сөзсүз түрдө 2 жыл магистратураны окууга милдеттенерин айтты.