Тажикстан менен Ооганстандын чек арасындагы куралдуу кагылышууда 5 адам набыт болду

24-декабрда Тажикстан менен Ооганстандын чек арасындагы куралдуу кагылышууда үч оогандык террорчулар жана эки тажик чек арачысы набыт болду. Бул тууралуу DW агенттиги Тажикстан бийлигинин маалыматына таянып билдирди.

Маалыматка ылайык, террорчулар 23-декабрда саат 23:30да (жергиликтүү убакыт боюнча) өлкөгө кирип, алар 24-декабрда эртең менен саат 11:15те аныкталган. “Террорчулар тажик чек арачыларынын багынып берүү тууралуу буйругуна баш ийбей, куралдуу каршылык көрсөтүшкөн. Алар чек ара постторунун бирине куралдуу кол салуу жасоону көздөшкөн”, - деп билдирген Тажикстандын чек ара аскерлеринин басма сөз кызматынан.

Атышууда үч ооган террорчулардын жана эки тажик чек арачысы каза болгон. Террорчулар тараптан табылган курал-жарактар арасында үч М-16 мылтыгы, бир Калашников автоматы, үн баскычтары бар үч тапанча, 10 кол гранатасы, түнкү көрүүчү прицел, жардыруучу заттар жана башка ок-дарылар болгон.

Эскерте кетсек, бул акыркы бир ай ичинде өлкөгө жасалган үчүнчү чабуул болду.