Ташиев “Альфа” атайын багыттагы кызматынын жаңы имаратын ачты

Бүгүн, 25-декабрда УКМК төрагасы Камчыбек Ташиевдин катышуусунда Улуттук коопсуздук мамлекеттик комитетинин "Альфа" атайын багыттагы кызматынын жаңы имаратынын салтанаттуу ачылыш аземи болуп өттү.

Ташиев куттуктоо сөзүндө атайын күчтөрдүн кызматкерлеринин жогорку деңгээлдеги кесипкөйлүгүн, эрдигин жана мекенге берилгендигин белгиледи.

Иш-чаранын расмий бөлүгү аяктаган соң Ташиев жаңы имараттын иштөө шарттары жана инфраструктурасы менен таанышып, күч түзүмдөрүнүн кызматкерлери үчүн заманбап жана ыңгайлуу шарттарды түзүүнүн маанилүүлүгүн баса белгиледи.

Аны менен катар, "Альфа" атайын багыттагы кызматы үчүн спорт комплексинин курулушуна капсула салуу аземи да өткөрүлдү. Аталган спорттук имарат жоокерлердин физикалык жана кесиптик машыгуу системинин маанилүү бөлүгүнө айланып, алардын ден соолугун жана согуштук даярдыгын жакшыртууга жардам берет.