"Аманат" фонду – аяр катмарга үмүт тартуулаган кайрымдуулук кыймылы

Исмаилова Айна Маматибраимовна — жеке ишкер жана 2025-жылы негизделген «Аманат» фондунун негиздөөчүсү. Фонд түзүлгөндөн бери кыска убакыт ичинде социалдык жардам багытында активдүү иш жүргүзүп, жардамга муктаж үй-бүлөлөр үчүн туруктуу тирекке айланды.

"Аманат" фонду өз ишмердигин системалуу кайрымдуулук иштерине багыттап, 1 жыл ичинде Кыргызстандын ар кайсы облустарындагы 7 үй-бүлөгө саан уй жана торпок тартуулаган. Мындан тышкары 10 үй-бүлөгө жаңы турак жай куруп берип, аларга туруктуу жашоо шартын камсыздаган.

Фонддун жардамдары негизинен биринчи топтогу мүмкүнчүлүгү чектелген жарандарга жана жалгыз бой энелерге багытталган. Каржылоо булагы катары Корея Республикасында эмгектенип жүргөн мекендеш мигранттар жана Кыргызстандагы жергиликтүү бизнес өкүлдөрү белгиленет.

«Аманат» фонду коомдогу социалдык теңсиздикти жоюу жана аяр катмардагы жарандарды колдоо максатын көздөп, кайрымдуулук иштерин мындан ары да кеңейтүүнү пландап жатат.