“Маркай” жана "Сүлүктү-11" көмүр кендери ишке кирди (видео)

Бүгүн, 25-декабрда Баткен облусунун Сүлүктү шаарында "Сүлүктү-11" көмүр кени ишке берилди.

Энергетика министрлигинин маалыматы боюнча, кендин жалпы аянты 863,1 гектарды түзүп, баланстык запасы 82,7 миллион тонна көмүрдү камтыйт. Кендин ишке кириши аймактык өнүгүүгө чоң түрткү берип, 200дөн ашык жергиликтүү тургун туруктуу жумуш орундары менен камсыз болот. Жылына 900 миң тонна көмүр казып алуу пландалууда.

Ал эми Жалал-Абад облусунун Сузак районунда жайгашкан “Маркай” кени ишке кирди, анын аянты 292 гектар, көмүрдүн запасы 8,207 миллион тонна. Бул долбоорлор өлкөнүн энергетикалык коопсуздугун камсыздоодо жана көмүр тармагын өнүктүрүүдө маанилүү роль ойнойт.