Айпери Медет кызы, Асан Жанышов баштаган 6 спортчу батирлүү болду

Бүгүн, 25-декабрда УКМК төрагасы Камчыбек Ташиев “Жаштык” спорттук аренасында өтүп жаткан грек-рим жана эркин күрөш боюнча Кыргызстандын чемпиондугуна барды.

Атайын кызматтын башчысы иш-чаранын катышуучуларын жана жеңүүчүлөрүн куттуктап, аларга спорттук ийгиликтерди каалады. Ошондой эле салтанаттуу аземдин жүрүшүндө буга чейин, дүйнөлүк аренада ийгиликтерди жараткан 6 спортчуга өлкө башчысы Садыр Жапаровдун тапшырмасына ылайык, батирлерди белекке берди.

- Айпери Медет кызына (эркин күрөш) — 3 бөлмөлүү батир;

- Асан Жанышовго (грек-рим күрөшү) — 2 бөлмөлүү батир;

- Ихтияр Нишоновго (бокс) — 1 бөлмөлүү батир;

- Омар Ливазага (бокс) — 1 бөлмөлүү батир;

- Смадияр Жумакадыровго (грек-рим күрөшү, Сурдлимпиада оюндары) — 1 бөлмөлүү батир;

- Адилет Жапаркуловго (эркин күрөш, Сурдлимпиада оюндары) — 1 бөлмөлүү батирдин документтерин тапшырды.