Эки күнгө созулган IV Элдик курултай жыйынтыкталды

Бүгүн, 26-декабрда Бишкекте эки күнгө созулган IV Элдик курултай жыйынтыкталды.

Курултайга президент Садыр Жапаров, министрлер кабинетинин төрагасы Адылбек Касымалиев баш болгон өкмөт мүчөлөрү, Жогорку Кеңештин төрагасы Нурланбек Тургунбек уулу, облус башчылары катышты.

Курултайдын жүрүшүндө эки күн ичинде 150 делегат сөз сүйлөп, сунуш-пикирлерин айтышты. Курултайдын жыйынтыгы боюнча резолюция кабыл алынды.

Белгилей кетсек, Курултайга өлкө боюнча 231 айыл аймактан жана 33 шаардан шайланган 700 делегаттын 690у катышты. Алардын ичинен 146сы аялдар, 554ү эркектер.

Биринчи курултай 2022-жылдын 25-ноябрында Бишкекте өткөн. Экинчиси – 2023-жылдын 15-декабрында, үчүнчүсү – 2024-жылдын 20-декабрында болгон.