Башкы прокуратура Вьетнамга качып кеткен кылмышкер боюнча маалымат берди

Башкы прокуратура Вьетнамдын тиешелүү органдары менен кызматташып, алдамчылык кылып 16,4 миллион сом зыян келтирген Кыргызстандын жараны Т.А.ны Бишкекке алып келди. Ал Кыргызстандын укук коргоо жана Интерполдун Улуттук борбордук бюросунун кызматкерлеринин коштоосунда жеткирилгенин мекеменин маалымат кызматы билдирди.

Учурда Т.А. тергөө абагына камакка алынды.

Башкы прокуратура тергөөдөн жана соттон жашынып жүргөн жарандарды эл аралык келишимдердин негизинде кайтарып келүү иштерин улантып жатат.