Ким Чен Ын аскердик өндүрүштү күчөтүүнү тапшырды

Түндүк Кореянын лидери Ким Чен Ын өлкөдөгү алдыңкы аскердик-өнөр жай ишканаларына барып, жылдын төртүнчү чейрегинде ракеталар менен снаряддардын өндүрүлүшү кандай жүрүп жатканын көрдү. Ал 2026-жылга карата ок-дары өндүрүү планын көбөйтүүнү тапшырганын чет элдик басылмалар жызышууда.

Маалыматка ылайык, Ким Чен Ын быйыл коргонуу тармагындагы ишканалардын ишин жогору баалап, келерки жылга карата чарбалык жана техникалык милдеттерди белгиледи. Ал ракеталык жана артиллериялык курал-жарактарга болгон келечектеги суроо-талап бар экенин айтып, өндүрүш көлөмүн көбөйтүү үчүн тийиштүү ишканалардын техникалык базасын чыңдоо зарылдыгын белгиледи.

Мамлекет башчысы алдыдагы Эмгек партиясынын IX съездинде жаңы аскердик-өнөр жай ишканаларын түзүү боюнча чечим кабыл алынарын да билдирди. Ошондой эле ал аскердик-өнөр жай комплексинин алдыңкы ишканаларын жаңылоо боюнча план-долбоорлорго кол коюп, алар партия съездинде караларын айтты.