Министр таштанды заводунун өндүргөн электр кубатын кайсы тармак сатып алып жатканын айтты

Энергетика министри Таалайбек Ибраев Бишкектеги таштандыны иштетүүчү заводдон өндүрүлгөн электр энергияны "Кыргыз улуттук электр тармагы" ишканасы сатып алып жатканын билдирди.

"Бүгүнкү күндө бизге 25-27 мВтка чейин берип жатат. Ал жакка 110 кВттык станция курулган. Андан өндүрүлгөн электр кубаты Бишкек шаарынын үчтөн бир бөлүгүн жабат. Же, башкача айтканда, Кемин районунун көлөмүн жаба ала турган кубаттуулукту өндүрүп жатат", - деди министр.

Айта кетсек, кечээ, 27-декабрда Бишкек шаарынын таштанды полигонундагы катуу тиричилик калдыктарын утилдештирүү аркылуу электр кубатын өндүрүүчү эко-технологиялык заводу ачылган.