Бишкекте топ балдар тарабынан жаран сабалып, шектүүлөр кармалышты (видео)

Бишкекте түн ичинде коомдук тартип бузган төрт жаран кармалды. Бул тууралуу Ленин райондук милициясы билдирди.

Маалым болгондой, 28-декабрга караган түнү саат 01:48 чамасында "102" кызматына Тыналиев көчөсүндө жайгашкан көп кабаттуу үйлөрдүн биринин жанында белгисиз адамдар эркек кишини сабап жатышканы тууралуу билдирүү келип түшкөн.

Ленин райондук милиция окуяны каттоого алып, жерине барды. Текшерүү иштеринин жүрүшүндө 1999-жылы туулган С.А., И.А., У.С. жана К.А. аттуу жарандар кармалышты. Алдын ала аныкталгандай, алар мас абалында коомдук тартипти одоно бузуп, "Тынчтык жөнүндө" мыйзамдын талаптарын аткарган эмес.

Кармалган жарандарга карата Кылмыш-жаза кодексинин 126-беренеси (Майда бейбаштык) боюнча протоколдор түзүлүп, төрт жаран убактылуу кармоо жайына киргизилди.

Тергөө уланууда.