Курулуш министрлиги жаңы жылдык балатыны өзгөчө жасады

Курулуш, архитектура жана турак жай-коммуналдык чарба министрлиги кыштан атайын курулуш балатысы жасалганын билдирди.

Маалымдалгандай, жаңы жылдык балаты 800 даана кыштан тургузулуп, бийиктиги 2 метрге жетет. Бул балаты курулуш тармагында эмгектенген адистердин чыгармачылык жөндөмүн, ынтымагын жана майрамдык маанайын чагылдырат.

"Курулуш тармагы - бул сапаттуу объекттерди куруу менен гана чектелбестен, чыгармачылыкты, командалык ишти жана коомдук баалуулуктарды да камтыган тармак. Жаңы 2026-жылга саналуу гана күндөр калууда. Министрлик бардык жарандарды келе жаткан Жаңы жылы менен куттуктап тынчтык, бакубат жашоо жана ийгиликтерди каалайт",- деп айтылат маалыматта.