Орусия Ирандын үч спутнигин космоско учурду (видео)

Орусия Ирандын үч спутнигин космоско ийгиликтүү учурду. Бул тууралуу 28-декабрда Reuters маалымдаганын "DW" агенттиги жазып чыкты.

Маалыматка ылайык, Орусиянын "Союз" ракетасы ирандык "Косар", "Пая" жана "Зафар-2" спутниктерин учуруп, болжол менен 500 чакырым бийиктикке ийгиликтүү көтөрүлдү.

Иран тараптын маалыматына ылайык, учурулган спутниктер айлана-чөйрө тууралуу маалыматтарды чогултуу үчүн колдонулат. Бул маалыматттар айыл-чарбасында пайдаланылып, табигый кырсыктарды көзөмөлдөөгө жардам берет. Мурда Иран космоско бир нече спутник учурган. Өлкө бул программа тынчтык мүнөздө экенин, аскердик максатта колдонулбай турганын билдирип келет.

"Иран болгону технологияларын өнүктүрүп жатат, ал эми спутниктерди учуруу бул процесстин бир бөлүгү,"- деп билдирет өлкөнүн ички иштер министри Аббас Аракчи.

Ошол эле учурда Израил жана Батыш өлкөлөрү, анын ичинде АКШ Ирандын бул спутниктик программасына тынчсыздануусун билдиришти. Алар Тегеран космостук технологияларды аскердик максатта колдонушу мүмкүн деп кооптонушат.