Бишкекте 20 миң долларлык унаага байланыштуу алдамчылык фактысы аныкталды

Бишкекте алдамчылыкка шектелген жаран кармалды. Бул тууралуу шаардык милициядан билдиришти.

Маалым болгондой, 16-майда Биринчи Май райондук милициясына М.М. аттуу жаран арызы менен кайрылган. Анда Ф.С. аттуу жаранга карата чара көрүүнү суранган. Себеби 2024-жылы сентябрда ал дача тилкесинде мончо куруу үчүн эсептешүү катары баасы 20 миң долларын түзгөн Chevrolet Trailblazer үлгүсүндөгү унааны алган. Курулуш иштеринин баасы 10 миң долларга бааланып, калганын унаанын ээсине накталай кайтарып берүү милдетин алган. Бирок өзүнө алган милдеттенмелерди аткарбай, жүргөн жерин жашырып, качып кеткен.

Аталган факт боюнча Кылмыш-жаза кодексинин 209-беренесине (Алдамчылык) ылайык кылмыш иши козголду. Натыйжада 1989-жылы туулган Ф.С. тергөө кызматына жеткирилген.

Тергөө иштери улантылууда.