Өзбекстанда этникалык кыргыз кыз "Жылдын спортчусу" наамына ээ болду

Өзбекстандын Ташкент шаарында этникалык кыргыз кыз, 10-класстын окуучусу Айдана Юсупбаева таэквондо боюнча "Жылдын спортчусу" наамына ээ болду. Бул тууралуу Паркент районундагы №33 кыргыз орто мектебинин директору Кубанычбек Жаматов социалдык тармагына бөлүштү.

Мектеп директорунун билдирүүсүнө ылайык, Айдана жыл бою машыгуулардагы тартиптүүлүгү, чынчылдыгы, адамгерчилиги, эр жүрөктүгү жана жигердүү аракеттери үчүн Өзбекстандын Taekwondo WT ассоциациясы тарабынан "Жылдын спортчусу" номинациясы менен сыйланып, баалуу белектерге ээ болгон.

Мындан тышкары Айдана Юсупбаева ушул жылдын декабрь айында Жизах облусунда өткөн республикалык мелдеште 1-орунду ээлеп, "Өзбекстандын чемпиону" деген ардактуу наамга ээ болгон.