Бишкекте мушташ уюштуруп, милицияга баш ийбеген жарандар кармалышты (видео)

Бишкекте коомдук тартипти бузган жарандар кармалышты. Бул тууралуу Октябрь райондук милициясы билдирди.

Маалым болгондой, кечээ, 29-декабрда саат болжол менен 22:58 чамасында коомдук тартипти бузуу фактысы катталды. Кызмат өтөө учурунда кайгуул кызматынын кызматкерлери Токомбаев көчөсүндө жайгашкан эс алуучу жайлардын биринде коомдук тартипти одоно бузуп, мушташка катышкан жарандарды аныкташкан.

Аталган жарандар агрессивдүү аракеттерди көргөзүп, милиция кызматкерлеринин мыйзамдуу талаптарына баш ийбей, адепсиз сөздөрдү айтып, өз аракеттери менен коомдук коопсуздукка коркунуч жараткан.

Бул факт боюнча тергөөгө чейинки текшерүү иштери башталды. Текшерүү иш-чараларынын жүрүшүндө 1998-жылы туулган Б.Д. жана С.Н. аттуу жарандар аныкталып, аларга карата Кылмыш-жаза кодексинин 126-беренесине (майда бейбаштык) ылайык административдик протокол түзүлгөн. Аталган жарандар убактылуу кармоо жайына киргизилди.

Учурда тиешелүү текшерүү иштери улантылууда.