Казакстанда ЛГБТ пропагандасына тыюу салуу күчүнө кирди

Казакстандын президенти Касым-Жомарт Токаев коомчулукка ЛГБТ пропагандасын чектөөнү караган мыйзамга кол койду. Бул тууралуу казак басылмалары жазышууда.

Маалым болгондой, президент "Казакстан Республикасынын айрым мыйзам актыларына архив иши жана мыйзамсыз контенттин жайылышын чектөө боюнча өзгөртүүлөрдү киргизүү жөнүндө" мыйзамды бекиткен.

Аталган мыйзамга ылайык, массалык маалымат каражаттарында, телекоммуникация тармактарында, интернет мейкиндигинде жана башка коомдук аянттарда педофилияны жана салттуу эмес сексуалдык багытты пропагандалоого тыюу салынат.