Салют атылып, унаалар коштоп... Чолпон-Атадагы өзгөчө балатынын видеосу

Чолпон-Ата шаарынын жаш активисттеринин демилгеси менен Жаңы жыл майрамына арналган креативдүү жаңы жылдык иш-чара өткөрүлдү.

Акциянын уюштуруучулары Михаил Складниченко жана Бегимай Докдурбекова SUPER.KG порталына иш-чара тууралуу маалымат берди.

"Акцияда 60ка жакын унаа менен балатынын формасын түзүшүп, салют аттырылган. Унаанын ар бири майрамдык декорациялар менен кооздолгон. Унаалар шаар көчөлөрү аркылуу жүрүп, жергиликтүү тургундар жана коноктор үчүн өзгөчө майрамдык маанай тартууланды. Иш-чаранын максаты - жаштардын активдүүлүгүн жогорулатуу жана шаар тургундарына көңүлдүү маанай камсыз кылуу болгон", - дешти алар.

Уюштуруучулар мындан ары да жыл сайын авто-фестиваль өткөрүүнү пландап жатышканын белгилешти.