Баткенде генерал болууну кыялданган Нуртилекке Айфон белекке берилди

Ички иштер министри Улан Ниязбековго Баткен шаарынын тургуну, 2013-жылы туулган Нуртилек Жамалдинов кат жазган. Ал келечекте генерал болууну кыялданарын жана жаңы жылдык белек берүүсүн суранып, катына телефондун сүрөтүн тарткан.

ЖКККББнын башчысы Азенбек Козукеев, Баткен ОИИБинин башчысы Улан Жукенов министрге кат жазган Нуртилек Жамалдинов менен жолугуп, ички иштер министри Улан Ниязбеков тарабынан берилген Айфон 17 про үлгүсүндөгү уюлдук телефонду тапшырды. Азенбек Козукеев окуучуну жакшы окууга чакырып, телефонду мектепте эмес, үйдө колдонууну, максаттуу пайдаланууну эскертти.

Белгилей кетсек, 6-класста окуган Нуртилек 5 бир туугандын экинчиси. Кат жазуу идеясын 8-класста окуган эжеси колдоп, жазылган катты почта аркылуу Ички иштер министрлигине салып жиберген.