Болгария 2026-жылдан тарта евро валютасын колдонуп баштайт

Болгария 2026-жылдын 1-январынан тартып еврозонага кошулуп, улуттук валютасы болгон болгар левинен баш тартып, еврону кабыл алат. Бул тууралуу чет элдик басылмалар билдиришүүдө.

Маалыматка ылайык, Болгария еврозонага кирүү үчүн коюлган бардык талаптарды аткарган 21-мамлекет болот. Натыйжада еврону колдонгон европалыктардын саны 350 миллионго жетти.

Жаңы валютаны кабыл алуу маселеси болгар коомчулугунда талаш-тартыш жаратты. Айрым жарандар лев улуттук валюта экенин белгилеп, еврону киргизүүгө каршы пикирлерин айтышууда.

Ошол эле учурда, өлкөдөгү соода түйүндөрү жаңы валютаны кабыл алууга активдүү даярдык көрүүдө. Өлкөнүн борбору Софияда дүкөндөрдө жана көчөлөрдө баалар эки валютада көрсөтүлүп, жарнама такталарында лев менен евронун курсу тууралуу маалыматтар берилүүдө.