Маркум Жибек Урустемованын кайнатасы уулу окуя болгон күнү телефон чалганын айтты

Бишкекте Жибек Урустемованы өлтүрүүгө шектелип кармалган жарандын атасы НТС телеканалына уулу окуя болгон күнү телефон чалганын билдирди.

Анын айтмында, 23-декабрда саат 21:10дор чамасында уулу телефон чалып, жубайын өлтүрүп салганын жана өз жанын кыя турганын айткан. Ошондой эле шектүүнүн атасы уулу жасаган кылмышы үчүн жооп бериши керектигин кошумчалаган.

"Колу менен жасаганды моюну менен тартсын. 10 же 30 жыл береби же болбосо өмүр бою береби, аны сот чечет",- деди ал.

Айта кетсек, 23-декабрда саат 21:40 чамасында Бөкөнбаев көчөсүндөгү батирлердин биринде жолдошу аялын тапанча менен атып өлтүргөн окуя катталды. Шектүү дароо кармалды. Ал 48 жаштагы маркумдун мурунку жолдошу, мурун укук коргоо органдарында иштеген жаран болуп чыкты.

Каргашалуу окуяга чейинки мүнөттөрдүн видеосу тарады.

Ошондой эле Бишкек шаардык милициясынын башчысы Азамат Токтоналиев мурунку жолдошу тарабынан ок жеп каза болгон аял кишинин өлтүрүлүшү боюнча тергөөнүн айрым жагдайларын айтып берди.

Маркумдун жакындары каргашалуу окуя тууралуу SUPER.KG порталына айтып беришкен.

Белгилей кетсек, бүгүн, 27-декабрда Бекжан жогорку бийликтеги жетекчилерге кайрылган.