Бишкекте “Санжыра” аттуу жаңы гүл бакча ачылды

31-декабрда Бишкек шаарында жаңы “Санжыра” гүл бакчанын салтанаттуу ачылышы болуп өттү. Бул тууралуу мэриянын басма сөз кызматы билдирди.

Жаңы гүл бакча президенттин колдоосу менен шаар тургундары жана коноктору үчүн заманбап стандартта курулуп, жалпы аянты 2 гектарды түзөт. Аймак толугу менен көрктөндүрүлүп, жашоочулардын эс алуусуна ыңгайлуу шарттар түзүлгөн.

Гүл бакчанын ичинде:
- Балдар үчүн оюн аянтчалары;
- Кичи футбол талаасы;
- Сейилдөө жана эс алуу үчүн аянтчалар жайгашкан.

Мэрия билдиргендей, 2024-жылдын жаз айларында гүл бакчанын аймагына кошумча жашыл көчөттөр отургузулат.

Бул демилге борбор калаада жашыл зоналарды көбөйтүү, экологиялык абалды жакшыртуу жана шаар тургундарынын сергек жашоосуна шарт түзүү максатын көздөйт.