Бишкекте заманбап аялдамалар менен өтмөктөрдүн курулушуна старт берилди

Бүгүн, 1-январда Бишкек шаарынын мэри Айбек Жунушалиев Чыңгыз Айтматов проспектинде жер алдындагы жөө өтмөктөрдү жана заманбап аялдама комплекстерин куруу иштерине старт берди.

Шаардык мэриядан билдиришкендей, долбоор боюнча Семетей көчөсүнөн Масалиев проспектине чейин 4 өтмөк курулат, Айтматов проспектиндеги бир өтмөк буга чейин пайдаланууга берилген. Ахунбаев көчөсүнөн Семетей көчөсүнө чейин 16 жаңы аялдама орнотулат.

Курулуштун жүрүшүндө Масалиев проспекти менен Семетей көчөсүнүн аралыгы убактылуу унаа кыймылы үчүн жабылды. Шаар бийлиги иштердин сапатын жогорку деңгээлде камсыздоого жана мөөнөтүндө бүтүрүүгө тапшырма берди.