Си Цзиньпин Тайван менен Кытайды бириктирүүнү убада кылды

Кытай Эл Республикасынын төрагасы Си Цзиньпин жаңы жылдык кайрылуусунда Тайван менен материктик Кытайдын биригүү тенденциясын тарыхый жана акыры боло турган нерсе деп атады.

Кытай басылмалары жазгандай, Си Цзиньпин "Бир өлкө – эки система" саясатын карманып, Гонконг менен Макаонун өнүгүүсүн колдоону улантарын белгилеген.

Ал эми Кытай коргоо министрлиги Тайван менен мүмкүн болушунча тынчтык жолу менен биригүүнү каалай турганын, бирок зарыл болсо катуу чараларды колдонууга даяр экенин эскерткен.

Пекин Тайвандын өз алдынчалуулугун тааныбайт, өз провинциясы деп эсептеп, дүйнөнү "бирдиктүү Кытай" саясатын карманууга чакырып келет. АКШ бул принципти кагаз жүзүндө сактаган болуп, арал менен жигердүү кызматташып, байма-бай курал-жарак жеткирип турат.