Дүйнөдөгү эң оор салмактагы адам Хуан Педро Франко 41 жашында көз жумду

Мексикада 41 жаш курагында дүйнөдөгү эң семиз адам катары Гиннесстин рекорддор китебине киргизилген Хуан Педро Франко каза болду. Бул тууралуу чет элдик басылмалар жазышты.

Маалыматка ылайык, анын өлүмүнө бөйрөк инфекциясынан улам келип чыккан системдик оорулар себеп болгон. Дарыгерлердин билдиришинче, акыркы күндөрү Франконун абалы кескин начарлап, көрсөтүлгөн медициналык жардамга карабастан анын өмүрүн сактап калууга мүмкүн болгон эмес.

Хуан Педро Франконун салмагы 2017-жылы 595 килограммга жетип, дал ошол жылы ал дүйнөдөгү эң оор адам катары Гиннесстин рекорддор китебине киргизилген. Андан кийин ага катуу диета дайындалып, эки ирет операция жасалган. Дарылоонун жыйынтыгында анын салмагы дээрлик 49 пайызга кыскарган.

Ошондой эле 2020-жылы Франко коронавирус илдетин да башынан өткөргөнү белгилүү.